Тибқи барқияи Кумитаи иҷроияи Ҳизби Халқии Демократии Тоҷикистон дар вилояти Суғд аз 11.08.2014 таҳти рақами 45 оид ба гузаронидани аксияи «Роҳ ба сӯи мактаб» баҳри амалӣ намудани барномаи ҲХДТ, дастгирии оилаҳои ниёзманд ва бо ин васила баланд бардоштани обрӯю нуфузи ҲХДТ байни аҳолӣ КИ ҲХДТ дар шаҳри Хуҷанд ва ташкилотҳои ибтидоии он баҳри амалӣ намудани ин иқдом корҳои зиёдеро ба анҷом расонида истодаанд.

Тибқи дастуру супоришҳои Раиси Ҳизби Халқии Демократии Тоҷикистон, Ҷаноби Олӣ, мӯҳтарам Эмомалӣ Раҳмон Кумитаи иҷроияи Ҳизби Халқии Демократии Тоҷикистон дар шаҳри Хуҷанд бахшида ба 23-умин солгарди Истиқлолияти Ҷумҳурии Тоҷикистон, 20-солагии қабули Сарқонуни Ҷумҳурии Тоҷикистон ва 20-солагии таъсисёбии ҲХДТ дар «Маркази Фарҳанг»-и шаҳри Хуҷанд чорабинии хатнасури 23 нафар кӯдакон аз оилаҳои ниёзмандро баргузор намуд.

Тибқи дастуру супоришҳои Кумитаи Иҷроияи Марказии Ҳизби Халқии Демократии Тоҷикистон бо мақсади иҷрои вазифагузориҳои муовини якуми Раиси ҲХДТ Сафар Сафаров, ки дар маҷлиси ҷамъбастии курсҳои такмили ихтисоси раисони кумиҷроияҳои ҲХДТ санаи 15 майи соли ҷорӣ баёндошта ва ба ифтихори 23-умин солгарди Истиқлолияти Ҷумҳурии Тоҷикистон, 20-солагии қабули Сарқонуни Ҷумҳурии Тоҷикистон ва 20-солагии таъсисёбии ҲХДТ рӯзи гузашта муаррифии сомонаи Кумиҷроияи ҲХДТ дар шаҳри Хуҷанд доир гардид.