Дар асоси нақшаи муштараки шӯъбаи кор бо занон, шӯъбаи кор бо чавонон ва ташкилоти ҷамиятии ҷавонон «Созандагони Ватан» дар Коллеҷи омӯзгории Донишгоҳи давлатии Хуҷанд ба номи академик Б.Ғафуров маҳфили адабӣ- фарҳангӣ таҳти унвони «Писари ман сарбози Ватан аст» бахшида ба 23-солагии таъсисёбии Қувваҳои мусаллаҳи Ҷумҳурии Тоҷикистон баргузор гардид. Маҳфил аз ду қисмат иборат буд; Қисмати якум дар шакли сӯҳбати гирди Мизи мудаввар ва қисмати дуюм бо барномаи фархангӣ- фароғатӣ анҷом пазируфт. Ба маҳфил модарони афсароне, ки фарзандони онҳо имрӯзҳо ихтиёран ба сафи Қувваҳои мусаллаҳи Ҷумҳурии Тоҷикистон рафта хизмат карда истодаанд, даъват шуда буданд. Дар фароварди маҳфил ба модарони афсарон тӯҳфаҳои хотиравии Раиси Кумитаи иҷроияи ҲХДТ дар шаҳри Хучанд дасрас карда шуд, ки модарон хело аз ин рӯҳбаланд гаштанд.
