Ҳар ҳафта рӯзи шанбе дар Кумитаи иҷроияи Ҳизби Халқии Демократии Тоҷикистон дар шаҳри Хуҷанд тибқи ҷадвали тасдиқгардида қабулгоҳи ҷамъиятӣ баргузор мегардад, ки дар он вакилони Маҷлиси вакилони халқи вилояти Суғд ва шаҳри Хуҷанд ширкат варзида, муроҷиати шаҳрвандонро мешунаванд. Дар қабулгоҳи ҷамъиятии назди Кумиҷроияи шаҳрӣ, ки санаи 5-уми декабр баргузор гардид вакили маҷлиси вакилони халқи шаҳри Хуҷанд аз ҳавзаи интихоботии «Содирхон Ҳофиз №16» Исмоилов Абдураҳим Абдулатифович ширкат варзид. 6 нафар истиқоматкунандагони маҳаллаи «Шарқ»-и шаҳри Хуҷанд, ки интихобкунандагони ҳавзаи интихоботии «Содирхон Ҳофиз» мебошанд, доир ба масъалаҳои гунонгун муроҷиат намуданд ва аз ҷониби вакил ҳалли масъалаҳои баррасигардида ба инобат гирифта шуд. Кумитаи иҷроияи Ҳизби Халқии Демократии Тоҷикистон дар шаҳри Хуҷанд барои қабул намудани арзу шикоятҳо ва дархостҳои шаҳрвандон ҳамеша омодааст.
