Ҷаласаи навбатии Кумитаи иҷроияи Ҳизби Халқии Демократии Тоҷикистон дар шаҳри Хуҷанд баргузор гардид. Дар кори он муовини раиси шаҳри Хуҷанд Бурҳонзода Умедахон Муродӣ, аъзоёни кумиҷроия, собиқадорони ҲХДТ, раисони ташкилотҳои ибтидоӣ ва фаъолони ҳизб ширкат доштанд. Ҷаласа бо сухани ифтитоҳии раиси кумиҷроия Наим Маликисломов оғоз ёфт.

Машварати навбатии Раиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд Наим Маликисломов бо мудирони кӯдакистонҳои шаҳр баргузор гардид. Раиси Кумиҷроия доир ба масъалаҳои дохилиҳизбӣ вобаста ба бурдани корҳои ташвиқотию тарғиботӣ доир ба зиёд намудани сафи аъзоёни ҳизб аз ҳисоби шахсони арзанда, корҳои фаҳмондадиҳӣ оид ба муваффақиятҳои мамлакат дар даврони истиқлолият, иштироки фаъолонаи аъзоёни ҳизб дар чорабиниҳои фарҳангию сиёсӣ, иҷроиши ҳадафҳои барномавии ҲХДТ ва дигар масъалаҳо фикру ақидаҳои худро баён намуда, оид ба ҳалли масъалаҳо ба масъулин дастуру супоришҳо дод. Дар хотима иштирокчиёни машварат доир ба масъалаҳои зикршуда фикру ақидаҳои худро иброз намуда, ба саволҳои худ посухи мушаххас гирифтанд.

Рӯзи гузашта дар кумитаи иҷроияи Ҳизби Халқии Демократии Тоҷикистон дар шаҳри Хуҷанд масҷлиси гурӯҳи мобилии назди кумиҷроияи шаҳрӣ доир гардид, ки дар он раиси кумитаи иҷроия Наим Маликисломов ҷиҳати иштирок намудан дар чорабиниҳои ҳизбӣ ва таблиғи ғояҳои созандаи ҳизб ба аъзоёни гурӯҳи мобилӣ дастуру супоришҳо дод. Ҳамчунин роҳбари гурӯҳи мобилии Кумиҷроияи шаҳрӣ Рустам Расулов, ва аъзои фаъоли гурӯҳ Рустам Сулаймонов баромад намуда, оид ба пешбурди фаъолияти кори гурӯҳ якчанд фикру ақидаҳои худро баён намуданд.