"Барои ваҳдати миллӣ, сулҳу оромӣ, суботи сиёсӣ, созандагиву ободонӣ, рушди устувори иқтисодӣ ва зиндагии шоистаи мардум!"

Ҷашни истиқлолият дар бозори Панҷшанбе

Ҳамасола дар арафаи ҷашни фархундаи соҳибистиқлолии кишвар даҳҳо иншоотҳои нав ба истифода дода мешаванд ва корҳои созандагию ободонӣ вусъати тоза мегиранд. Дар вилояти Суғд ва шаҳри Хуҷанди бостонӣ тибқи дастуру ҳидоятҳои Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон ҷашни соҳибистиқлолии Тоҷикистонро бо меҳнати фидокорона, бунёди корхонаву муассисаҳои нав, корҳои ободонӣ истиқбол менамоянд. Дар бозори марказии «Панҷшанбе», ки яке аз марказҳои бузурги тиҷоратии ҷумҳурӣ ба ҳисоб меравад, ба истиқболи ин санаи таърихӣ як қатор корҳои созанда ба анҷом расиданд.


Нравится

Маҷлиси тантанавӣ бахшида ба истиқлолияти давлатӣ

Бахшида ба иди истиқлолияти давлатии Ҷумҳурии Тоҷикистон дар Бонки давлатии амонатгузории Ҷумҳурии Тоҷикистон Амонатбонк дар вилояти Суғд маҷлиси тантанавӣ баргузор гардид, ки дар он раиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд Наим Маликисломов ширкат варзида ҳамаи аъзоёни ҲХДТ-ро, ки дар ташкилоти ибтидоии Амонатбонк кору фаъолият мебаранд, ба муносибати 24-умин солгарди истиқлолияти давлатии Ҷумҳурии Тоҷикистон, ки барои ҳар як фарди тоҷик азизу муқаддас ба ҳисоб меравад табрику муборакбод намуд.


Нравится

Ҷашни истиқлолият дар қисми ҳарбии 35-01

Бахшида ба солгарди Истиқлолияти давлатии Ҷумҳурии Тоҷикистон дар ташкилоту муассисаҳо ва корхонаҳои шаҳр ҷаласаи идона доир мегардад. Дар қими низомии 3501 ҳамоиши мутантани идона доир гардид. Дар чорабинии идонаи афсарону сарбозони ин қисми ҳарбӣ Раиси шаҳри Хуҷанд Раҷаббой Аҳмадзода ва сардори Раёсати Вазорати корҳои дохилии Ҷумҳурии Тоҷикистон дар вилояти Суғд генерал-майори милитсия Назарзода Шариф Раҳмон, вакили Маҷлиси Намояндагони Маҷлиси Олии Ҷумҳурии Тоҷикистон Гулбаҳор Турсунова, раиси Кумитаи иҷроияи Хизби Халқии Демократии Тоҷикистон дар шаҳри Хуҷанд Наим Маликисломов ва дигар меҳмонон ширкат намуданд.


Нравится