Бо мақсади пешгирӣ аз хуруҷи бемории сироятӣ имрӯз кормандони Кумитаи иҷроияи Ҳизби Халқии Демократии Тоҷикистон дар шаҳри Хуҷанд ва аъзоёни ситоди шаҳрӣ оид ба пешгирии бемории сироятии навъи «COVID-19», ки дар Коллеҷи омӯзгории Донишгоҳи давлатии Хуҷанд ба номи академик Бобоҷон Ғафуров фаъолият мебаранд, дар микроноҳияи 20 –уми шаҳр дар хонаҳои баландошёнаи 17,18,19 ва 20 гардиши хона ба хона гузаронида, аз вазъи саломатии сокинон огаҳӣ пайдо намуданд ва ҷиҳати пешгирии бемории мазкур тавсияҳо доданд. Зимни гардиш маълум шуд, ки хушбахтона ягон бемор вуҷуд надорад. Ба сокинон муроҷиатномаи Кумитаи иҷроияи Ҳизби Халқии Демократии Тоҷикистон дастрас карда шуд.