Бо мақсади баланд бардоштани фарҳанги оиладорӣ, омода намудани духтарон ба оилаву оиладорӣ, тарғибу ташвиқ намудани бунёди оилаи солим, тарзи муошират дар оиладорӣ, муносибати хуби байниҳамдигарӣ, сабру таҳаммул, иззату эҳтиром, рафтори ғамхорона нисбат ба якдигар, одоби рӯзғордорӣ ва маҳорати кадбонугӣ бахшида ба эълон шудани соли 2017-Соли ҷавонон рӯзи гузашта дар Кумитаи иҷроияи ибтидоии «М.Осимӣ»-и Кумитаи иҷроияи ҲХДТ дар шаҳри Хуҷанд озмуни мазкур аз рӯи панҷ шарт- муаррифӣ ба воситаи намоиш додани саҳнача, саволу ҷавоб, пешкаш намудани хӯроки миллӣ, намоиши рақс, суруд ё навозиш ва намоиши либоси базмӣ байни факултетҳои Донишкадаи политехникии Донишгоҳи техникии Тоҷикистон доир гардид. Ҳамаи 4 духтарони факултаҳои донишгоҳ ҳунари баланд нишон дода, хотири аҳли нишастро шод намуданд.
Дар ҷамъбаст Дилфуза Муродова, донишҷӯи курси 1- факултети муҳандисӣ- иқтисодӣ ҷойи аввалро соҳиб шуда, сазовори унвони «Гулдухтари суғдӣ»-и донишкада гардид. Ҷойи дуюмро шогирди факултети информатика ва энергетика, донишҷӯи курси 1 Мӯҳсинзода Фаризахон соҳиб шуд. Зинаҳои баъдиро Ситора Исмоилова, донишҷӯи курси 2, факултети сохтмон ва нақлиёт ва Манижа Орипова. Донишҷӯи курси 1, факултети муҳандисӣ- технологӣ ишғол намуданд.
Хуршед Мақсудов, муовини директор оид ба таълим ҳамаи иштирокчиёнро бо ин дастовардҳояшон табрик гуфта, дар вазъияти тантанавӣ ба онҳо ифтихорнома ва тӯҳфаҳои хотиравиро супорид.
