Санаи 08.07.2016 дар толори «Маркази Фарҳанг»-и шаҳри Хуҷанд тибқи нақша-чорабинӣ ҷаласаи ҳисоботии Кумитаи иҷроияи Ҳизби Халқии Демократии Тоҷикистон дар шаҳри Хуҷанд барои нимсолаи аввали соли 2016 баргузор гардид. Дар кори ҷаласа муовини КИМ ҲХДТ Бобоҷониён Раънохон Маҳмудзода ва мудири шӯъбаи кор бо занони КИВ ҲХДТ Раҳимова Фирӯза Солиҷоновна, аъзоёни Кумиҷроия, раисони ташкилотҳои ибтидоӣ ва фаъолони ҲХДТ иштирок намуданд. Раиси КИ ҲХДТ дар шаҳри Хуҷанд Наим Маликисломов бо сухани ифтитоҳӣ баромад намуда, ҳамаи аъзоёни Кумиҷроияро бо рӯзнома шинос намуд. Дар рӯзнома асосан 4 масъала дида баромада шуд: Ҳисоботи Раиси КИ ҲХДТ дар шаҳри Хуҷанд барои шаш моҳи аввали соли 2016, Гузориши роҳбари гурӯҳи вакилони халқи шаҳри Хуҷанд оид ба фаъолияти кории вакилони аз тарафи ҲХДТ пешниҳодшуда Тасдиқи нақшаи кории КИ ҲХДТ дар шаҳри Хуҷанд барои нимсолаи дуюми соли 2016 ва Масъалаҳои ҷорӣ Инчунин, барои фаъолияти назаррас 6 нафар аъзоёни фаъол бо сипосномаҳои Кумиҷроияи шаҳрӣ ва ба 9 нафар тӯҳфаҳои хотирави қадршиносӣ гардиданд. Дар охир ба 10 нафар шахсоне, ки қаблан барои дохил шудан ба сафи ҳизб ариза пешниҳод намуда буданд, шаҳодатномаи ҳизбӣ супорида шуд.
