Дар доираи омодагиҳо ба маъракаи сиёсии дарпешистода Кумитаи иҷроияи ҲХДТ дар шаҳри Хуҷанд бо ҷалби номзадҳо ба вакилии Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ мунтазам амалҳои хайриявиро ба роҳ монда истодааст.

Аз ҷумла, санаи 14 феврали соли равон бошандагони хонаи пиронсолони шаҳри Хуҷандро  номзад ба вакили Маҷлиси намояндагони Маҷлиси Олии Ҷумҳурии Тоҷикистон Гулбаҳор Назирӣ ва Раиси КИ ҲХДТ дар шаҳри Хуҷанд Наим Маликисломӣ аёдат намуданд.

 Дар рафти аёдат барои бошандагони ин муассиса дастархони идона ташкил гардид. Ба пиронсолон  таомҳои миллӣ, ширинӣ ва нӯшокиҳои ташнашикан пешниҳод карда шуд.

Дар қисмати фарҳангии аёдат як гурӯҳ ситораҳои санъати вилоят бо барномаи консерти хотири аёдатшудагонро шод намуданд.